Jana alasiri, binti yangu wa kwanza, Deta, alinipeleka hapo katikati ya mji, eneo la posta. Nilitaka kwenda kuangalia mafuriko ya mto Cannon, ambayo niliyaelezea jana katika blogu hii. Hapa naleta picha kadhaa alizopiga. Sikujua kama amewahi kupiga picha. 
Nilifurahi nilipoziona picha alizopiga, ingawa yeye si mzoefu. Ninaonekana katika hizi picha zote. Katika picha mbili, mto wa Cannon, ambao umefurika, unaonekana pia.
Hapa kushoto naonekana nimeketi sehemu ya "park" hapa mjini. Nimeshika mkongojo ambao umenisaidia kutembea kwa miezi kadhaa, ila sasa naweza kutembea bila kuutumia.Nimetoka mbali; namshukuru Mungu.
2 comments:
Pole sana Prof.
Asante sana. Nilikuwa nimekongoroka kweli, ila sasa afadhali. Namshukuru Muumba.
Kila tunapoamka tukiwa wazima na afya nzuri, tushukuru, kwani sio haki yetu. Tutumie fursa hii kwa manufaa ya wanadamu. Ndilo jambo ambalo nimejifunza, baada ya afya kukongoroka kwa miezi, nikashindwa kufanya shughuli nilizozizoea, kama vile kusoma, kufundisha, na kuandika.
Post a Comment