Napenda kuwajulisha ndugu na marafiki kuwa leo tumemaliza wiki ya kwanza ya muhula mpya wa masomo hapa chuoni St. Olaf. Nimeanza vizuri, kama nilivyogusia katika blogu hii, kwa ari kubwa. Wanafunzi wanaonekana wenye ari ya kujifunza. Sitawaangusha.Tarehe 17 mwezi uliopita ilikuwa ni kumbukumbu ya kuzaliwa kwangu. Nilitimiza miaka 65 ya maisha yangu. Ninavyoingia mwaka wa 66, ninamshukuru Mungu kwa kuniweka hai na mwenye uwezo wa kutekeleza majukumu yangu kama nilivyozoea.
Uhai na afya ni baraka kutoka kwa Mungu. Nitaendelea kutumia fursa hii, ambayo ni dhamana, kwa kufanya kazi zangu za kufundisha kwa juhudi yote na uadilifu, kusoma kwa bidii, na kuandika ili kuuneemesha ulimwengu kwa elimu.
Nawaombeni ndugu na marafiki mniombee ili nizingatie mwelekeo huo, nami nawaombea baraka na mafanikio.
2 comments:
Mungu aendele kukutia nguvu na afya njema na miaka mingi ya kuishi, kwani wewe ni zawadi kwa ulimwengu juu ya uandishi wako wa kuelimisha na kupendeza.
Asante, ndugu Anonymous, kwa ujumbe wako. Nitaendelea kujitahidi katika kujielimisha ili niweze kuwafaidia wanadamu, kwani huku ndiko kutimiza wajibu mbele ya Mungu. Nakutakia kila la heri.
Post a Comment